♥♥♥

အချစ်စိတ်သည် ရင်ခုန်ခြင်း၏ ကိုယ်စားလှယ်။

စက္ခုအကြည်လွှာနှင့် အဆင်းသဏ္ဍာန်တို့ ထိခတ်သွားခြင်းကြောင့် ဟဒယ နှလုံးသား၏ အတည်ပြုချက်အရ ရင်ခုန်သံများ မြည်ဟီးလာခဲ့သည်။

၁။ငြိမ့်ငြိမ့်ကလေး စီးဆင်းနေသည့် စမ်းချောင်းသံ အလား အေးမြသော ငြိမ့်ညောင်းရင်ခုန်သံ။

၂။တောင်ကျချောင်းအသွင် ရေစီးလျင်သည့် လှိုက်ဖို ရင်ခုန်သံ။

၃။လှိုင်းကြမ်းပုတ်သည့်အလား ကြမ်းတမ်းတုန်လှုပ်ဖွယ် ပင်လယ်ရင်ခုန်သံ။

၎။နတ်သမီးပျိုကလေးနှင့် အတွေ့ ကမ္ဘာကြီးကို ခဏမေ့သွားသည့် နတ်သမီးရင်ခုန်သံ။

၅။အိပ်မက်ပန်းမွေ့ယာကြီးအပေါ်တွင် ” ပြွေ” ထိုင်မှုတ်နေသည့်အလား ထူးခြားသော အတွေ့အထိကိုပေးသည့် အိပ်မက်ရင်ခုန်သံ။

၆။ရှိတော့ ရှိသည်၊ တကယ်ရှိသည် ဘာရယ်လို့အတိအကျပြောလို့မရ အသည်းယားဖွယ် စီးဆင်းနေသည့် မှော်ဝင်ရင်ခုန်သံ။

၇။မျက်ရည်ကျလုမတတ် ပျော်ရွှင်မှုကို ဖြစ်စေသည့် ၀ါဂွမ်းအလိပ်ပေါ် ဆီလောင်းချလိုက်သည့်အသွင် အသည်းထဲ စိမ့်ဝင်သွားသည့် ပီတိရင်ခုန်သံ။

ရင်ခုန်သံသည် ချစ်ခြင်းမေတ္တာ၏ ရှေ့ပြေး။ (၁၂)လရာသီတွင် ဖေဖော်ဝါရီသည် အချစ်တို့ဖြင့် လှပသည်။ ဆောင်းနှောင်းရာသီနှင့် နွေဦးရာသီစပ်ကြားတွင် တည်ရှိသော ဖေဖော်ဝါရီသည် အေးလွယ် နွေးလွယ်သဖြင့် ရင်ခုန်သံကို တွန်းအား အပေးနိုင်ဆုံး လဖြစ်သည်။ ဖေဖော်ဝါရီသည် အချစ်တို့ဖြင့် လှပသည်။ အချစ်သည် ရင်ခုန်သံများ၏ အစွမ်းဖြင့် မှော်အောင်လာခဲ့ပြီ။

ကျွန်တော် ချစ်သော၊ မြတ်နိုးသော၊ တန်ဖိုးထားသော သူသည် ဖေဖော်ဝါရီတွင် မွေးဖွားခဲ့သည်။

သူသည် အချစ်ကြီးလွန်းသဖြင့် ချစ်သူများနေ့ထက် တစ်ရက်ကြိုတင်ကာ ဖေဖော်ဝါရီ (၁၃)ရက်နေ့တွင် လူ့လောကသို့ အရောက်လာခဲ့သည်။

သူသည် မြန်မာပြည်သူ ပြည်သားတွေကို ချစ်သည်။ မြန်မာပြည်ကို ချစ်သည်။ နံပါတ် အဆင့်(၁) သူ့ချစ်သူသည် မြန်မာပြည်ဖြစ်သည်။ သို့သော် လောကသဘာဝတရား တိုက်တွန်းမှုအရ နံပါတ်အဆင့် (၂) ချစ်သူ မခင်ကြည်ကို လက်ထပ်ထိမ်းမြားခဲ့သည်။ လက်ခမောင်းခတ်နေသည့် တောကြောင်များကို မိခင်မြေမှ မောင်းထုတ်ရန်အတွက် တောင်တွင်းကြီးနယ် အနီး “နတ်တွေ အမောက်ထောင်သည့် နေရာ” တွင် သူ့ဘ၀ကို အစပျိုးခဲ့သည်။ အောင်မြင်မှုကို ဆန်းဆန်းပြားပြား တိုက်ခိုက်ယူဖို့ အတွက် သူ့နာမည်ကို “ အောင်ဆန်း” ဟု ကြွေးကြော်သည်။

ဗိုလ်ချုပ်အောင်ဆန်းသည် ဖေဖော်ဝါရီ ရင်ခုန်သံများတွင် အတိအကျ ပါဝင်စီးဆင်းသည်။ သို့သော် သူ၏ ရန်ခုန်သံကား ငြိမ့်ညောင်းအေးမြသည့် ရင်ခုန်သံမျိုးမဟုတ်၊ ”ဓားတောင်ကိုကျော်၍ မီးပင်လယ်ကို ဖြတ်မည်” ရင်ခုန်သံမျိုးဖြစ်သည်။

ဖေဖော်ဝါရီ (၁၄)၊ စိတ်သဘောထား သိမ်မွေ့ပြီး လူသားဆန်မှုကို လိုလားသည့် saint valentinus ဆိုသူ ရောမမြို့မှာ နှိပ်စက်ပြီး ခေါင်းဖြတ်အသတ်ခံရသည့်နေ့။ ”မည်သူမှ လက်မထပ်ရ” ဟု အာဏာရှင် ကလောဒီယပ်စ် ဘုရင် တယူသန် အမိန့်ထုတ်ခဲ့သော်လည်း ချစ်သူတွေကို တိတ်တဆိတ်လက်ထပ်ပေးခဲ့သူ saint valentinus.။ ချစ်သူခြင်း ဆုံဆည်းခွင့်ရဖို့အရေး သူ့ဦးခေါင်းနှင့် စတေးရလောက်အောင်အထိ လှုပ်ရှားခဲ့သူ။

သစ္စာ (၄)ပါးတွင် မပါဝင်သော်လည်း အတိအကျ လိုက်နာသင့်သည့် သစ္စာတရား (၁)ပါး ရှိနေသေးသည်။ ဖေဖော်ဝါရီ (၁၄) ကို လူငယ်များ၏ ရင်ခုန်သံဖြင့် “ချစ်သူများနေ့” ဟု သတ်မှတ်ခဲ့ကြသည်။ ကျွန်တော်တို့သည် နံပါတ်အဆင့် (၁) ကို ပို၍ ချစ်သော်လည်း ” လောကသမ္မုတိသစ္စာ” (လူအများ သတ်မှတ်ထားသည့် အမှတ်တရား) လမ်းညွှန်ချက်အရ ရင်ခုန်သံဖြင့် တည်ဆောက်လျက် နံပါတ်အဆင့်(၂)ချစ်သူကိုသာ လက်ထပ်ကြပါမည်။ ရင်ခုန် အိပ်မက်ကြပါမည်။ သို့သော် နံပါတ်အဆင့်(၁) ချစ်သူကို ဦးထိပ်ထားလျှက် အမြဲသတိတရှိနေပါမည်။ လက်ထပ်မင်္ဂလာပွဲတွင် ကျွန်တော်တို့ ကြိမ်ဆိုမည့် လက်ထပ်သစ္စာစကားမှာ ဤသို့ဖြစ်ပါသည်။ ““ကျွန်တော်တို့ ကျွန်မတို့သည် ရင်ခုန်သံတို့ စီးဆင်းရာ ကိုယ်စီကိုယ်စီနှလုံးသားနှင့် လက်ထပ်ထားကြသော လူငယ်များဖြစ်ကြပါသည်””

လွတ်လပ်စွာ ရင်ခုန်နိုင်ကြပါစေ...