♥♥♥

နေ၀င်ချိန်အထိအောင်
ရင်မှာ လိုအင်ဆန္ဒများစွာ.....
..........................................
..........................................
..........................................
(မျိုးကြီး)


ငါပြေးနေဆဲပါ
မျှော်နေဦးပေါ့ချစ်သူရာ
......................................
......................................
.....................................

ဘာမဆို ဖြစ်နိုင်တဲ့ ဘ၀ကြီး
ဘာမဆို ဖြစ်နိုင်တဲ့ ဘောလုံး
ဘာမဆို ဖြစ်နိုင်တဲ့ ကမ္ဘာကြီး
ဘယ်သူနိုင်မယ် မခန့်မှန်းပါဘူး

ပိုမိုသန့်ရှင်းတဲ့ အသင်း
ပိုမိုနှစ်သက်စရာ ကမ္ဘာ
ပိုမို ချစ်စရာချစ်သူ
မင်းတို့ဘက်မှာ ငါအမြဲရှိမယ်။

သူခမိန်လှိုင်

ဖယောင်းတိုင်တစ်တိုင် မီးအလင်းဝါကျင်ကျင် နာရီသံ သူငယ်ချင်းရဲ့  ဖုန်းပွားသံ
သေနတ်သံလိုလို နှစ်ချက်ကြားတယ်၊ ဒီမြို့  ဒီတော ဒီတောင် ဒီဒေသ
မိခင်နိုင်ငံက ရေမြေလို ဒုတိယရေမြေပေါ်မှာ ငါးရှည့်လို ဖမ်းရခက်တဲ့ ငွေကို ဖမ်းတယ်
ရှမ်းစကားမတတ်လည်း ကြောက်စရာမလို၊ ဒီက နင်းပြားတွေ အကုန်လုံး မြန်မာလို ပြောကြတယ်။
ုစုမိဆောင်းမိထားတဲ့ ဘတ်လေးတွေ ကျစ်ကျစ်ဆုပ် တောမောင်းလာရင် အကုန်ပါသွားမှာ ကြောက်နေမိ။
ကက်ဆက်မြင်ရင် ယူ၊ ကြက်တွေ့  ရင် ဖမ်း၊ ပုလိပ်ခွေးတွေ
ကိုယ့်လူသွေး ကိုယ်ပြန်စုပ်တာက ကမ္ဘာမှာ စိတ်ပျက်စရာ အဟုတ်ကို စိတ်ပျက်စရာ
မနေ့ညက အပေါ်ကိုတက်တဲ့ မြန်မာကိုးယောက် ၄၃ မှာ အသတ်ခံရတဲ့သတင်း
လရောင်ပျပျ အင်ဖက်တဲလေးပေါ်ကနေ အမေနဲ့ အမေ့မြေကို လွမ်းမိတယ် ရင်နဲ့အမျှ လွမ်းမိတယ်။

အမေရေ...
မျှော်လင့်ချက် ဖြစ်ရိုးဖြစ်စဉ် အနာဂတ်ထဲ
တောင်ကုန်းလိုလို နိမ့်လာတယ်၊ လေရိုင်းလိုလို ထုံတယ်
နေလိုလို ပူတယ်၊ မီးခိုလိုလို မွှန်းတယ်၊ ကျီးကန်းလိုလို လန့်တယ်
ငါးရံ့လိုလို အရှင်ရောင်းကြတယ်၊ ဖားလိုလို ကြိုးချည်ခံရတယ်
ဆင်လိုလို နင်းကြတယ်၊ ယပ်တောင်လိုလိုပြားရတယ်
ကြောင်တစ်ကောင်လို ဟိုကပ်ဒီကပ် လုပ်ရတယ်။
သား...ဘယ်နေ့...ပြန်...လာ...ခဲ့...ရ...မလဲ...
အမှန်ခြစ် ခြစ်စရာမရှိတဲ့ ငါ့ပြက္ခဒိန် အစုပ်အပြဲ ဘတ်တွေများများစားစား ရေတွက်နိုင်တဲ့တစ်နေ့မှာ
ကိုယ့်မြေ ကိုယ့်ရေကို လွမ်းပေမယ့် ဟိုရောက်တော့လည်း ဘာမှလုပ်မစားတတ်လေတော့
ဒီမြေပေါ်မှာပဲ ရေနစ်မသေအောင် ကူးနေရသေးတယ်
အင်္ကျီအိတ်ကပ်ထဲမှာ ဘတ်တစ်ထောင့်လေးရာနဲ့ ကျွန်တော်အသက်ရှူသံလေး
ဒီနေ့အထိတော့ ကျန်ရှိနေသေးရဲ့ ။

ပြေးနေတဲ့စိတ်ကို လိုက်ဖမ်းဘို့
ထိုင်နေရင်းကနေ မှိုင်နေရင်းကနေ ငိုင်နေရင်းကနေ
လူ့အဖြစ်ဇာတ်ခုံမှာ ဆူးနံရံတွေ ခြားထားတယ် ဆိုတဲ့အကြောင်း

ငတ်ပြတ်မှုကို ငယ်ငယ်ကတည်းက ကျွေးမွေးစောင့်ရှောက်လာခဲ့ရတာ
စိတ်သဘောလေး နူးညံ့ချိုသာတတ်တာ တစ်ခုကလွဲပြီး
မွဲလို့ရသမျှအကုန်လုံး မည်းမှောင်နေတဲ့အကြောင်း
လူတွေက နင်းလိုက်၊ နိုင်ငံက နင်းလိုက် နင်းခံရတာများတော့ ပြားသွားတယ် ဆိုတဲ့အကြောင်း

ငွေမရှိရင် စိတ်ဓာတ်ကျစရာ စိတ်ဓာတ်ကျရင် သေချင်စရာ
သေချင်တာက စိတ်ပျက်စရာ အလံဖြူတွေ ပုံကျနေသလို စိတ်က ပျက်ပြီးကျနေတာ
ဘယ်လိုမှ ရုန်းထွက်လို့ မရဘူး ဒီတိုင်းငတ်နေရတာထက် ဟိုတိုင်းငတ်နေရမှာကို
ခွေးပိန်တစ်ကောင်လို အမြီးကုပ် ကြောက်နေတဲ့စိတ်က ကြောက်စရာ
ဟိုမှာ မျက်နှာငယ်နေရလိမ့်မယ်လို့ ဒီမှာ ဆီးရွက်လောက်မျက်နှာလေးနဲ့
တွေးမိတဲ့အခါ။

အမေ့ကိုတော့ သား ရှိခိုးပါရဲ့
အမှန်တစ်ခုကို မှားမလို့ ချောင်းနေပါတယ်
နားလည်မှုကတော့ ခင်ဗျားတို့ရဲ့ အစွမ်းအစ အတိုင်းပါဘဲ။

“၀မ်းနည်းခြင်း အထိမ်းအမှတ်
စာနာတတ်ရင် တစ်မိနစ်လောက် ငြိမ်ပေးပါ”

ရေ၀င်ရေထွက် ပင်လယ်အတွက်
ဆာလောင်မှုက အနာဆွေး ပြည် တည်
ဗိုက်ကိုတော့ ဆောင့်မကန်ပါနဲ့ ဗျာ
ခင်ဗျားကျွေးတဲ့ ထမင်းအပြင် ကျွန်တော့်လုပ်အားခလေးလည်း ပါ ပါတယ်။
မနက် ၆+ည ၆၊ နေ့ ၁၂+ ည ၁၂၊ မနက် ၃+ မွန်းလွဲ ၃၊
(၁၅၀၀၀) တန် စာပွဲထိုးတစ်ယောက်
ကန်ဇွန်းရွက်နဲ့ ပဲပြုတ်အပြင် မျှော်လင့်စရာ လူ့အခွင့်အရေး
ဘာလိုသေးလို့လဲ စာသုံးသူ လာသော်ရှိ မလာသော်ရှိ တာဝန်ချိန်အတွင်း ဖင်ချ မထိုင်ရ။
ကိုယ့်ဘ၀နဲ့ကိုယ် ကိုယ့်ခြေထောက်နဲ့ကိုယ် ကိုယ့်အပေါက်နဲ့ ကိုယ်
ကိုယ်ပိုင်အလုပ်တည်ထောင်ခန်း ကွမ်းယာဆိုင် ဖွင့်မယ်ကွာ
မြေနီကုန်းမှတ်တိုင်သုံးခုမှာ ဆိုင် (၂၀)လောက်ပဲရှိတာပါ
စည်ပင်လာရင်တော့ ပြေးပေါ့ ငယ်ငယ်ကတော့ အပြေးသမားပါ
ဘယ်မှာ ရောင်းမလဲ သွားကြည့် နေရာရှာကြည့် သီရိမင်္ဂလာဈေးနဲ့ ကန်းနားတစ်ဝိုက်
ထမင်းရှာနေတဲ့ ကွမ်းယာဆိုင်တွေ ( ကွမ်းယာဆိုင်တွေ)
လှိုင် အုတ်ကျင်း လှိုင်သာယာ သင်္ဃန်းကျွန်း စမ်းချောင်းလမ်း
ဒီနေရာလေး ကောင်းတယ် ဆိုရင် ကြည့်လိုက် အရင်ဦးသူတော့ ရှိပြီးသား
ခေါင်းကိုသာ မော့ထားကြ စားသုံးသူလာမှာပါ
မျှော်လင့်မှုက လင်းတတို့ရဲ့  ဂုဏ်ပြုတေး
ကွမ်းရွက်တစ်ပိဿာ (၇၀၀၀) ၊ “ကွမ်းယာ နှစ်ရာဖိုး ထုပ်ပေးပါ”
ဘာလုပ်စားရင် ကောင်းမလဲ ဘယ်နိုင်ငံသွားမလဲ
လူ့အဖြစ်ဟာ ဂုဏ်ယူစရာ ကောင်းပေမဲ့ ဗိုက်မပါရင် ပိုကောင်းမယ်။
မတိုးတက်မှုမှာ ရေနစ်ပြီး သေသလို
တိတ်တိတ်ကလေး အိပ်ရာကထလာတဲ့အခါ ၀မ်းနည်းနေတဲ့ ထမင်းပန်းကန်က အားငယ်စွာ ကြည့်တယ်
အလုပ်ကလေးတစ်ခုလောက် ရမယ် ဆိုရင် အဲယားပုဂံ ဂရင်းရွိုင်းရယ်တို့နဲ့ ဆွေးမျိုးတော်ချင်တယ်
ကျောင်းနေဖူးတာ မနေဖူးတာထက် ဘောလုံးကန် မကျင်းခဲ့တာ နာတယ်။

ငယ်တော့ ငယ်ပါသေးတယ်
ထူးတော့ မထူးတော့ပါဘူး သစ်ရွက်လို ကြွေချိန်ကိုပဲ စောင့်ရုံပေါ့
ထူးတော့ ထူးပါသေးတယ် ဒီအရွက် မကြွေသေးခင် ဒီအမြစ်မှာ ရေလိုတယ်။
ဝမ်းနည်းတဲ့အခါ...ကဗျာရေးမယ်
ဗိုက်ဆာတဲ့ အခါ...ပဲကြီးလှော်နဲ့ လဲစားမယ်။